Om oss

Vår historie

Eg kjem aldri til å gløyme august-dagen i 2017, då det plutseleg sto ein 600kg tung kaffibrennar utanfor lokalet i Sogndal. Sognefjord Kaffibrenneri skulle bli ein realitet! Frå første dag har tanken vore klar: å brenne kaffi av høgaste kvalitet, med respekt for bønnene, produsentane og dei unike smakane dei ber med seg. Vi ville tilby ferskbrend kaffi som både fortel ei historie og gir ei oppleving i kvar kopp. Reisa har vore full av utfordringar, læring og utvikling, men alltid driven av den same lidenskapen – å løfte fram kaffi som noko meir enn ein kvardagsdrikk. Med utgangspunkt i Sognefjorden, omgitt av fjell og natur, har vi bygd opp eit brenneri som i dag leverer til både privatkundar, kafear og bedrifter over heile landet. Sognefjord Kaffibrenneri handlar om handverk, kvalitet og nysgjerrigheit – men aller mest om gleda over å kunne dele kaffiopplevingar med andre.